* * *
Яшчэ да свайго нараджэння
мая душа
гуляла ў карты з Лёсам
і перамагла.
Лёс абяцаў узнагародзіць яе.
Вось цяпер,
гледзячы на цябе,
я думаю:
“Можа,
ён ужо зрабіў гэта?”.
* * *
Збіраю тваю дабрыню па хвілінках,
Па момантах шчасця сустрэчы з табой.
І таю у мараў салодкіх абдымках.
Збіраю тваю дабрыню па хвілінках.
Не мой...
Але веру ў кахання іскрынку.
Твой позірк мяне сагравае зімой.
Збіраю тваю дабрыню па хвілінках,
Па момантах шчасця сустрэчы з табой.
* * *
Пакласці б твой позірк
пад працэнты ў банк,
каб потым атрымаць
светлае і чыстае пачуццё.
Але яшчэ не вынайшлі
такіх працэнтаў,
але яшчэ не вынайшлі
такога банку,
але яшчэ не вынайшлі
такога пачуцця.