Натуральна, далёка не ўсё пайшло як па пісаным, тым не меней...
я выкладваю сваю творчась тут
Сцэнарый выкупу нявесты
Пад’езд. Жаніха і яго світу сустракаюць госці нявесты. (прыблізны палілог)
Світа нявесты (СН): Хтой та тут падкаціў-пад’ехаў? Пашто шуміце-гудзіце, народ баламуціце?
Світа жаніха (СЖ): Мы па нявесту прыехалі, па Насценьку!
СН: А што ж – усе на адну???
СЖ: Не! Вось у нас і жаніх ёсць (указваюць на Лёшу)
СН: На жаніха падобны, нічога не скажаш... Ды толькі нашую Насценьку Снежная Каралева забрала. Не аддасць яна яе проста так. Ці зможа Лёша вызваліць сваю Насценьку? Ці годны ён яе? Ну-ка, назавіце нам 10 вартасцей жаніха. А там паглядзім – ці адкрываць вам дарогу да зямель Снежнай Каралевы.
Называюць 10 вартасцей. Калі мала назавуць, даплочваюць грашыма =)
СН: Упэўнілі! Добры жаніх. Вось табе за гэта нажнічкі – каб перарэзаць стужку, што закрывае шлях наперад. (Нажнічкі даюцца тупыя (гучыць дзікі хохат Снежнай каралевы). Зможа перарэзаць – сцяг у рукі. Не зможа – плаці за другія, вострыя)
Заходзяць у пад’езд. На кожнай прыступцы да 1-га паверха слядкі. Там іх сустракае Снежная Каралева (СК)
СК: А! Да мяне госці збіраюцца! Чым далей, тым халадней і цяжэй. Адступіцеся зараз! Вам не перабрацца праз гэтую раку. Толькі калі жаніх на кожны свой крок дасць абяцанне нешта рабіць па гаспадарцы.
(за кожны пропуск абяцання - грошы) СК знікае.
1-ы паверх (Польшча).
Гасцей сустракае Пані: Прошэ панув! Запрошэ упшэймня! Чы не хцяўабысь пану зобачыць моі квяты?
СЖ: Шо???
Пані: Цо то бэндзе?! Пан не муві по-польску. От то пэх!..
З’яўляюцца Кветкі (з рамонкамі ў руках): Мы дапаможам, мы разумеем!
СЖ: Мы шукаем Насценьку, яе Снежная Каралева забрала ў жаніха.
Кветкі: Мы падкажам вам дарогу. Аднак спярша дакажыце, што гэта сапраўдны жаніх. Ці ведае ён сваю нявесту?
Конкурс з лічбамі.
2-і паверх (Нямэччына).
На СЖ налятаюць Воран і Варона: Зі коммен вайтер ніхт! Дорт іст унзере ланде!
СЖ: Хендэ хох!
В&В: Так бы адразу і казалі... Вы хто? Вохін унд Вораус?
СЖ: Мы шукаем Насценьку, яе Снежная Каралева забрала ў жаніха.
В&В: Дык вы, гер, прынцэсхен шукаеце! Да нашай прынцэсхен з пустымі рукамі ніхт геен. Давайце сюды вашыя прэзенты: мы з імі перад вамі эскортам паляцім!
СЖ: Дулю вам!
В&В: Но-но! Мы б папрасілі! Нам давер ад фройляйн. Яна наказала: калі хто да яе на аудыенцыю просіцца - без шампансакага ды розных там блітцэн штуккен ніхт пушчаць.
СЖ аддаюць бутэльку шампанскага і флікеры (набыць загадзя!!!) Ідуць далей, але на апошніх прыступках да 3-га паверху налятае СК, захоплівае падарункі і разганяе воранаў.
3-і паверх (Францыя).
СЖ сустракае Прынц: Бонжюр, мсье! Покўа вы тут? Шэрше ля фам? Эт ву ахвяры Амура, як я?
СЖ: Сярод нас адзін – жаніх, нявесту якога скрала СК.
Прынц: О! Дык вось ля різон яе халоднасці! СК замарозіла яе сэрца. Яно не адгукаецца ні на водную серынаду, што я спяваў.
СЖ: На нашыя адгукнецца!
Жаніх павінен спець урыўкі з 5-і песень пра Насцю. За недахоп адной песні – выкуп.
З’яўляецца нявеста (падстаўная – гэта м/б нават СК): О, майн ліблінг кёніг!!! О, майн херц!
СЖ павінны адкупіцца ад падстаўной нявесты цукеркамі і запеленаць ляльку. За гэта жаніх атрымлівае футра для нявесты.
4-ы паверх (Англія)
На СЖ нападаюць разбойнікі і крадуць футра. Яго трэба выкупіць за грошы.
Разбойнік жаніху: Уэл-уэл... Со ю а э фіансі, гай... Зэт дазнт імпрес мі мач. Фёстлі ю шуд бі э карэджіс найт! Шоў ё шутінг скіл!
Конкурс “дартс”: жаніх страляе ў цэль. Кожны нумар мае значэнне “прычына, па якой жэніцца”. Кожны стрэл – акалічнасці гэтай прычыны. Стрэл у “малако” – выкуп.
Паміж 4-м і 5-м паверхамі СЖ зноў сустракаюцца са СК.
СК: Хм... Смелы хлопчык. Далёка забраўся... Але далей дарога губляецца. А знайшоўшы падказкі сваёй любай і прайшоўшы па яе слядах, ты трапіш у каралеўства вечнай мерзлаты! Паварочвай назад, пакуль не позна!
Жаніх адмаўляецца (хай толькі паспрабуе згадзіцца!!!). Перад ім талерка з водціскамі губ. Ён павінен адгадаць, дзе губы яго нявесты.
Далей бачны сляды, якія ідуць па сцяне і столі. Жаніх павінен прайсці па іх крок у крок (з дапамогай СЖ).
5-ы паверх (Эстонія)
СЖ сустракае Рыбалова. Той сядзіць на нізенькім зэдліку і смаліць трубку. Побач высока падвешаны рыбіны (на іх дзіцячыя фотаздымкі).
Рыбалоў-1: Лаб дІена, дрогас... ээээ... другас...
СЖ пачынаюць тлумачыць, хто яны і што тут робяць. Рыбалоў іх перапыняе свістам.
Рыбалоў-1: ме-е-едддлленннньнье-е-йее...
СЖ тлумачаць больш павольна.
Рыбалоў-1: КокЯ нялАйме! ГярЭй. Найді і достань тую сІлькяс, где твОя нЕвестаа. Я Отправлюю Еёё дрУгуу. Он пОможееет.
Жаніх павінен знайсці і пазнаць сваю нявесту сярод дзіцячых фотаздымкаў і дастаць фота без дапамогі рук (перагрызці нітку). Калі памыліцца з фотаздымкам – плоціць.
Рыбалоў-1: Лік свЕйкас! ВІсо гЯро!
6-ы паверх (Расія)
Ля дзвярэй жаніха і СЖ сустракае другі рыбалоў (з пахмелля).
Рыбалоў-2: Тссс! А чтоб вас! Не орите, голова раскалывается... И нечё тут толпами ходить. Расходились, понимаешь, дорог своих им мало. Находють тут, попортять, потопчуть, а потом за кардон доносять, мол, в России-матушке дороги – беда...
СЖ: Не бузи, дядя. Свои мы!
Рыбалоў-2: А и правда – свои! Ну тогда за встречу! Эээ, только нечем встречу-тай замочити...
СЖ: Дядя, после замочим. Нам бы во владения Снежной Королевы попасть. Вот у нас жених, его невесту Снежная Королева украла. А вот рыба, ее нам твой эстонский друг дал. Сказал: ты поможешь.
Рыбалоў-2: Беда-беда... Ну помогу чель, чего ж не помочь. Ключик-то – вот он! Только в скважину не попаду: руки трясутся. Дайте, браточки, пузырек водочки. Я вам вмиг открою!
СЖ даюць Рыбалову-2 гарэлку. Той ім адчыняе дзверы.
Кватэра (Каралеўства СК)
СК: Прыйшоў-такі. Ну паглядзім, чаго ты варты. Мо й забыўся ўжо, пакуль ішоў, як нявесту завуць?
Жаніх называе імя.
СК: Мае служкі – зімовыя маразы – майстры па ўзорах на вокнах. Паспрабуй і ты – выкладзі звонкімі, як мароз, манетамі імя сваёй каханай, тое, што назваў.
Жаніх выкладвае імя, СК забірае манеты.
СК: Вось табе другая задачка. Тры пакункі – тры туфлі. Знойдзеш Насціну – падпушчу да нявесты.
За кожны няправільна выбраны пакунак – выкуп.
Нарэшце, заходзяць у пакой, дзе нявеста стаіць на высокім зэдліку ці нават шуфлядцы.
СК: Паглядзі-палюбуйся на сваю каханую. Якую сукенку я ёй з белага снегу прыдбала! Як яна ззяе прыгажосцю і холадам. Не растапіць яе сэрца. Хіба толькі гарачым пацалункам. Ды толькі, вусны яе, як і сэрца, для цябе недасягальныя. Не дастаць да іх проста так...
Жаніх павінен пацалаваць нявесту (дапамагае СЖ).
СК знікае (на самай справе, яна ідзе падлічваць выкуп – толькі тссс!)
Усе шчаслівыя, пачынаюць піць.
Fin =)
А вяселле атрымалася на славу! Такая пара прыгожая!!!
@музыка: Океан Эльзі - 911
-
-
28.11.2007 в 00:57красавцы)
-
-
28.11.2007 в 17:32как тебе мо сцэнар?
-
-
28.11.2007 в 18:00Рыбалоў-2: А и правда – свои! Ну тогда за встречу! Эээ, только нечем встречу-тай замочити...
=)=)=)
файнафайна)
асіліла ўвесь пост) чытала, як казку.
упадабала=)
-
-
29.11.2007 в 13:49я сама потым як глянула, колькі тут па аб'ёме, нат і спадзявацца кінула, што хтось прачытае =)
а адказвалі яны, натуральна, не так... Але ж блізка)))
у нас там па ходу мяняўся сцэнарый і замест рускага быў украінец. У свіце жаніха ўзрадаваліся, маўляў, з земляком дамовяцца))) А гэты самы зямляк раскруціў іх на бутэльку гарэлкі ды шматок сала))) Тут і жонка ягоная падаспела - шакаладку сабе выпіліла. (карацей, мы з Вовачкам "аджыгалі"!)
-
-
29.11.2007 в 17:57А хто Вовачка?
-
-
01.12.2007 в 00:17Ужо ў першы дзень ён мне сказаў: "Кацька! Я ад цябе столькі новых слоў даведаўся толькі за адзін дзень!!!" Асабліва яму спадабалася слова "паланцін" і ён увесь час прасіў нагадаць яму, як "гэтая штука" называецца =) Перад тым, як класціся спаць у стане паўсвядомасці ён паабяцаў, што будзе героем, калі нараніцу ўзгадае гэтае слова... Аказалася, што Вовачка не герой )))
-
-
02.12.2007 в 14:08а што гэта?
-
-
02.12.2007 в 14:53-
-
04.12.2007 в 16:25